RINNOVU

OGHJE SOTTA U CELU SBIANCATU DI GHJENNAGHJU SI PENSA A TE, O LISA,

MILITENTE SINCERU DI U FRONTE E DI A CAUSA CORSA

SMARITU NANT'A A TERRA NEMICA UNA NOTTE MALADETTA

UN CI SCURDAREMU
STRADA DIRITTA, RESISTENZA, E MEMORIA PER U POVERU LISANDRU.

Oghje di u nostru celu so scuri i culori
A bughju so , i sensi di i nostri cori
E tanti semu a sparte u cumunu dulori
E u dolu , di Corsica un figliolu d’onori.

Dumane u nostu sole si pisarà
Di Stefanu è Ghjuvan’ Battista a tomba schjarisciarà
U ventu di a nostra storia ci diciarà
U sacrifziu di tanti patriotti à ramintà

A fiancu à tutti l’eroi di a Nazione Corsa
In u so santu senu a nostra tarra t’accugliarà
Talle i stantari di l’anziana Filitosa
L’anni è i seculi u to ricordu francarà

Mentre , chi quellu di i nostri nemichi si spinghjarà
Cume un fanale accesu pa l’eternità
In u populu corsu a to mimoria camparà
Ereda di l’antichi cumbatenti pa a Libertà.

Tu chi si , di u nostru populu natu
A nostra tarra , mama tanta amata
Ti darà , ricuniscenza per u to amore dattu
E farà sbuccià , centu mille fiore

Pa u to riposu in pace .

SABBATU U 28 DI GHJENAGHJU
Ghjuvan’Maria POLI